Oʻzbekistonda faoliyat yuritayotgan masʼuliyati cheklangan jamiyatlar soni hisoblab chiqildi
1-oktabr holatiga koʻra, MChJlar mamlakatdagi barcha tijorat tashkilotlarining 80,3 foizini tashkil etdi
2026-yil 1-oktabr holatiga koʻra, Oʻzbekistonda 372 695 ta masʼuliyati cheklangan jamiyat faoliyat yuritgan. Ularning ulushi mamlakatdagi jami tijorat tashkilotlari sonining 80,3 foiziga teng boʻlgan. Mamlakatda tijorat tashkilotlari jami 463,9 mingta edi.
Soni boʻyicha ikkinchi oʻrinda xususiy korxonalar turdi — 48 433 ta tashkilot yoki jami sonning 10,4 foizi. Oilaviy korxonalar soni 38 314 tani tashkil etib, ularning ulushi 8,3 foiz boʻlgan.
Bundan tashqari, mamlakatda 653 ta aksiyadorlik jamiyati faoliyat yuritgan — bu tijorat tashkilotlarining 0,1 foizidir. Yana 3 802 ta tashkilot boshqa tashkiliy-huquqiy shakllarga mansub boʻlgan, ularning ulushi 0,8 foizni tashkil etgan. Maʼlumotlarni Milliy statistika qoʻmitasi keltirdi.
